Davlat rahbari Sirdaryo viloyatiga tashrifi chogʼida jurnalistlar bilan muloqot qildi. Prezidentning taʼkidlashicha, taʼlim sohasida qilinishi kerak boʼlgan ishlar koʼp. 

«Darsliklar masalasida ham ancha muammo bor ekan, uning ichiga kirish kerak. Darsliklar saviyasi haqida katta muhokamalar boʼldi. Finlandiyaning standarti bilan bir xilda 1-4 sinflar uchun darsliklar qiladigan boʼldik. Nimaga desangiz, Finlandiya xalq taʼlimi Yevropa miqyosida, umuman dunyoda raqobatbardosh, koʼp tajribani oʼzidan oʼtkazgan», — dedi prezident.