O‘zbekiston Respublikasi Prezidentining 2022-yil 21-iyundagi PQ-289-son “Pedagogik ta’lim sifatini oshirish va pedagog kadrlar tayyorlovchi oliy ta’lim muassasalari faoliyatini yanada rivojlantirish chora-tadbirlari to‘g‘risida”gi qarori ijrosi yuzasidan, O‘zbekiston-Finlandiya pedagogika instituti rektori A.Safarov boshchiligidagi professor-o‘qituvchilar jamoasi Samarqand shahridagi 32-son umumiy o‘rta ta’lim maktabiga tashrif buyurdi.

Maktabda tahsil oluvchi 9,11-sinf o‘quvchilari bilan uchrashuvlar o‘tkazildi. Shuningdek, kelajakda pedagogika sohasida faoliyat olib borish istagida bo‘lgan o‘quvchilarni aniqlash, yangi, 2023/2024-o‘quv yilidan boshlab tashkil etilayotgan institut qoshidagi Akademik litseyga 9-sinf o‘quvchilarini keng jalb etish va 11-sinf bitiruvchilariga O‘zbekiston-Finlandiya pedagogika institutida tahsil olishlari uchun kerakli barcha sharoitlarni yaratib berish kabi muhim masalalar muhokama etildi.

Tashrif so‘ngida yosh rassomlar tomonidan tashkil etilgan tasviriy san’at ko‘rgazmasi bo‘lib o‘tdi.

Axborot xizmati